Latest Urdu Romantic Ghazal SMS Collection

Latest Urdu Romantic Ghazal SMS Collection

Khwaabon Ka Ik Jahaan Mujhe De Gaya Koi
Mitti Ka Ik Makaan Mujhe De Gaya Koi

Wo Dil Mein Reh Gaya Hai Ke Dil Se Utar Gaya
Kitna Ajab Gumaan Mujhe De Gaya Koi

Sehra Pe Apnay Ghar Ka Pata Likh Gaya Tha Wo
Mit’ta Howa Nishaan Mujhe De Gaya Koi

Maah-o-Najoom Noch Ke, Soraj Bujha Diya
Phir Saara Aasmaan Mujhe De Gaya Koi

Kishti Mein Chhaid Osne Kia Aur Oske Baad
Kaaghaz Ka Baadbaan Mujhe De Gaya Koi

Osne Gulaab Haath Mein Le Kar Kahaa Batool
Khushbuu Ka Tarjumaan Mujhe De Gaya Koi

««««««««««««««««««««««««««««««««««««««««««««««««««««««««««««««««««««««««««««

Khwaab Aankhon Mein Chubho Ker Dekhoon
Kaash Main Bhe Kubhi So Ker Dekhoon

Shayed Ubhray Teri Tasveer Kaheen
Main Teri Yaad Mein Ro Ker Dekhoon

Issi Khwahish Mein Mitta Jaata Hun
Tere Paon, Teri ThoKer Dekhoon

Ashk Hain , Vehm Ki Shabnam , K Lahoo??
Apni Palkain Tou Bhigo Ker Dekhoon

Kesa Lagta Hai Bichhar Ker Milna ?
Main Achanak Tujhe Kho Ker Dekhoon

Ab Kahaan Apne Girebaan Ki Bahaar ?
Taar Mein Zakhm Pirro Ker Dekhoon

Mere Hony Se Na Hona Behtar
Tu Jo Chahay , Tera Ho Ker dekhoon ?

Rooh ki Gardd Se Pehlay MOHSIN . .
Daagh-e-Daman Ko Tou Dho Ker Dekhoon..!!

««««««««««««««««««««««««««««««««««««««««««««««««««««««««««««««««««««««««««««

Wo jo khud Pairvi-e-Ehd-e-Wafa karti thi
Mujse milti thi to Talqeen-e-Wafa karti thi…

Us k Daman mein koi Phool nhi mery liay,
Jo meri Tangi-e-Daman ka gila karti thi…

Aj jo usko bulaya to wo gumsum he rahi,
Dil dharakny ki jo Awaz suna karti thi…

Aj wo meri har ek baat k Ma’ani poochy,
Jo meri soch ki Tafseer likha karti thi…

Uski Dehlez pe sadyon se khara hn
“Faraz”
Mujhse milny k jo Lamhat gina karti thi…

««««««««««««««««««««««««««««««««««««««««««««««««««««««««««««««««««««««««««««

Mout Ka Aitbaar Kar Laitay ?
Do Ghari Intezaar Kar Laitay ?

Dard Mun Phair Kar Nahi Jaata
Dard Hee Ikhtiyaar Kar Laitay ?

Lout Kar Phir Yehi Howa Hota
Tum Kisi Se Bhi Pyaar Kar Laitay ?

Ay Mere Dil Kubhi Kubhi Koi
Shaam Hee Khushgawaar Karlaitay ?

Jhoot Ki Nokri Se Behtar Tha
Khud Ko Berozgaar Karlaitay ?

««««««««««««««««««««««««««««««««««««««««««««««««««««««««««««««««««««««««««««

Aasmaanon Ne Hum Ko Kia Na Dia ?
Dil Magar Hum Ko Be-Wafa Na Dia

Hum Zamaanay Ko Dosh Detay Rahay
Zakham Tum Ne Bhee Kuch Naya Na Dia

Ku-Ba-Ku Naachti Phiri Khushbuu
Phir Bhee Phoolon Ne Kuch Gilaa Na Dia

Khwaab Mein Ek Din Milain Ge Agar
Tum Ne Yaadon Ko Bhee Mita Na Dia

Saari Daulat Jahaan Ko Di Hai Magar
Dil Mein Rakha Howa Khudaa Na Dia

Hum Ne Ghar Ko Jalaa Hee Lena Tha
Tum Ne Acha Kiaa, Diya Na Dia

ZIndagi Se Yehi Shikaayat Hai
Hum Ko Jeenay Ka Raasta Na Dia

Saaray Manzar Thay Aas Paas Magar
Tum Ne Kiun Khwaab Se Jagaa Na Dia ?

Bus Ishaaron Mein Baat Ki Hai Batool
Koi iLzaam Barmalaa Na Dia

««««««««««««««««««««««««««««««««««««««««««««««««««««««««««««««««««««««««««««

Related Posts Plugin for WordPress, Blogger...